Üsi Produkt
Interessiert a üsnä Produkt? Dr Choufprozäss isch ganz eifach: Schribet Sie üs es E-Mail mit Ihrnä Wünsch u mir begleitä Sie Schritt für Schritt. Mit üsem persönlechä Asatz steuä mir sicher, dass jedi Lösig perfekt uf Ihri Bedürfniss abgstimmt isch. Kontaktieret Sie üs no hüt u entdecket Sie üsi smartä Technologielösigä!
info@endirema.ch079 579 45 41Sensorkit
Mit üsem Sensorkit sind Sie Ihrer Umgäbig immer ä Schritt vorus. Öbs um d Temperatur, Luftfeuchtigkeit, Luftdruck, Luftqualität (TVOC) oder Umgäbigsliechtintensität geit – üses Sensorkit liefert Ihne präzisi Datä in Ächtzit, uf welli Sie sich verla chöit. Es arbeitet nahtlos mit üsem Chnotä zämä, um ä mühelosi Integration u ä ribigslosä Datätransfer sicherzsteuä. Entwickelt für Awänder, welli höchsti Gnauigkeit u umfassendi Iblick verlangä, hiuft Ihne diä All-in-One-Lösig, optimali Bedingigä z schaffä, Problem früehzitig z erkennä u für ä sicheri, komfortabli Umgäbig z sorgä. Dank Power over Ethernet (PoE) benötiget Sie ke Batteriä, welii ständig ustuscht wärde müessä. Ds Sensorkit wird direkt über ds Netzwärkkabu mit Strom versorgt, was ä langi Läbesdur u ä zueverlässigi, unterbrächigsfreii Nutzig sichersteut. So sparet Sie sich dr Ufwand u d Chostä für ä Batteriewächsu u profitierä vorä nachhautigä u wartigsarmä Lösig.
Üses Sensorkit isch i drü Versionä erhäutläch - Starter, Standard und Pro - und passt säch drmit perfekt a Ihrne individuellä Bedürfniss u Ihrem Budget a. Egau, ob Sie di erstä Schrittä machä oder ä professionelli Überwachigslösig benötigä, mir hei z passendä Sensorkit für Sie.
Für di eifachi Installation cha z Sensorkit sicher mit Clips are Huetschinä montiert wärde, sodass es bi Bedarf leicht gwächslet cha wärde, oder es cha oh für ne eher durhafterä Befestigung ad Wand gkläbt wärde.
Spezifikationä
Chnotä
Üsi Chnötä verbindä verschiednigi Sensorprodukt, wie z Sensorkit, mit dm Gateway u sorgä für nä nahtlosä Datätransfer. Es liest Umwäutdatä vo Ihrne Sensorä us u übertreit se sicher ad z Gateway für Ächtzitiblickä. Mir arbeitä dran, offeni Standards wie BACnet u Modbus z ungerstützä, um ä offnigi Plattform z erschaffä, welli säch i bestehendi Infrastrukturä integrierä laht. Mit End-zu-End-Verschlüsselig vom Chnotä zum Server si Ihri Datä immer sicher. Um oh zukünftigi Aforderigä z erfüllä, isch dr Chnotä mitnä zwöitä Verbindigsport usgstattet, dä ermüglächt Ihne neui Sensorä problemlos hinzuezfüegä u so Ihres System z erwiterä.
Zur eifachä Installation cha dr Chnotä sicher mit Clips a dr glichä Huetschinä wie ds Sensorkit montiert wärde, so chas bi Bedarf leicht gwächslet wärde. Für nä durhafteri Befestigung chas oh ad Wand gkläbt wärde. Dr Chnotä muess säch aber i dr Nöchi vom Sensorkit befindä (max. 2 m).
Gateway
Z Gateway isch dz Härzstück i Ihrem Netzwärk u isch entwickelt wordä, um nahtlos mit aune üsnä Sensorprodukt zämezarbeitä. Es verbindet säch über Ethernet mit dm Chnotä u übertreit sicher Ächtzitdatä vouständig verschlüsselt ad z Dashboard. D Datä wärde entweder über WLAN oder, für nä zueverlässigeri Verbindig, über Ethernet gsändet.
Dashboard
Hiä trifft komplexi Technologie uf moderns Design u bringt Ihne ä benutzerfründlechi Oberflächi, welli ungloublech eifach zum bedienä isch. Verabschiedä Sie sich vo dä Täg, i denä eifachi Ufgabä ä Herusforderig si gsi – üses Dashboard macht aues eifach u intuitiv, egau ob Sie grad erst hei agfangä oder Ihres System möchte finabstimmä.
Z Dashboard zeigt dr aktuell Status Ihres Systems, verfougt d Historie, zeigt vergangeni Ereigniss u protokolliert aui Änderigä. Baud wärdet Sie oh benutzerdefinierti Benachrichtigungä becho chönnä, welli definierti Benutzer basierend uf bestimmtä Ereignisuslöser warnä. Mit integriertem Benutzerverwautigssystem chönnd Sie Rollä u Zuegriffsrächt verteilä, sodass jedä Benutzer di richtigä Berächtigungä bechunnt.
Itz Startä
Fanged Sie itz Ihri Reis mit üs ah u verzeuet Sie üs vo Ihrnä Herusforderigä. Mir wärde üses Bestä gä, um für Sie di richtigi Lösig z findä.
info@endirema.ch079 579 45 41