Über Endirema
Willkommä bir Endirema GmbH, amnä Schwizer Ungernähmä, ds sech dr Vereifachig komplexer Technologie widmet. Mir si uf d Entwicklig vo Hardware- und Softwarelösigä im IoT-Segment spezialisiert, mit emnä starkä Fokus uf Fernwartig dür fortschrittlechi Sensornetzwärk. Üsi Mission isch, Ufgabä, welli oft überwäutigend erschienä, z vereifachä u dä Mönschä so z ermüglechä, säch uf z Wäsentlächä z konzentrierä.
Bi Endirema gloubä mir, dass Technologie intuitiv funktionierä sött u d Mönschä i Mittupunkt steuä. Üsi Lösigä ermüglechä meh Ungernähmä, IoT-Technologie z nützä, um wärtvolli Ressourcä z schützä, d Effiziänz z steigerä u ihre ökologisch Fuessabdruck nachhautig z reduzierä. I däm mir d Mönschä is Zäntrum vor Innovation steue, mache mir IoT zuegänglech, sicher u würkigsvou.
Üsi Chärnwärtä
Innovation
Ständig uf dr Suechi nach neuä Wäg zur Verbesserig u Innovation.
Nachhautigkeit
Entwicklig vo Lösigä, welli dr ökologisch Fuessabdruck reduzierä u d Effiziänz förderä.
Chundäorientiert
Ängi Zämmearbeit mit üsnä Chundä, um ihri Bedürfniss richtig z verstah u z erfüllä.
Härgsteut i dr Schwiz
Stouz druf, üsi Produkt mit Schwizer Qualität u Präzision z fertigä.
Üsi Gschicht
Gründet im September 2024, het Endirema mit dr Vision agfangä, d Lücke für Ungernähme z schliessä, welli no ke moderni IoT-Lösig verwändä – oft us Sicherheitsbedänkä oder mangelndem Know-how. Mir hei d Müglechkeit gseh, Technologie z erschaffä, di nid numä fortschrittlechi Fernwartung bietet, sondern oh zuegängläch u eifach z bedienä isch, ohni Kompromiss bir Sicherheit izgah.
Im Jahr 2023 hei mir drzue, ar Bärner Fachhochschu (BFH), üsi Bachelorarbeit zu däm Thema geschribä. Mit derä hei mir dr RUAG Innovation Award gwunne u sie het schlussändlech zur Gründig vo Endirema gfüehrt. Oh hüt no arbeitä mir äng mit dr BFH zämä, um Innovationä z förderä u nachhautigi Produkt z entwicklä.
Aktuell hei mir ä loufendä Prototyp üses Systems im nä unterirdischä Schutzraum im Isatz – ä Umgäbig, wo Zueverlässigkeit, Sicherheit u Benutzerfründlechkeit vo entscheidender Bedütig isch. Mir freuä üs druf, üsi Lösig am ne breiterä Publikum zuegänglech z machä, um meh Ungernähme z häufä, ihri Ressourcä z schützä u ihri Ablöif z optimierä.
Z Team kennälernä
Üses Team besteit us lideschaftlechä Mönschä, welli eis gmeinsams Ziu teilä: Technologie fürä Mönsch zuegänglächer z machä. Miterä viufäutigä Palettä vo Fähigkeitä bringä mir ä einzigartigi Perspektivä i jedes Projekt mit i u steue sicher, dass üsi Lösigä nid numä innovativ, sondern oh benutzerfründlech u zueverlässig si.
Kevin Reber
CEO & Mitgründer
Lideschaftläch für moderns, intuitivs Design, liebt dr Kevin Herusforderigä u dr Kontakt mit Mönschä, i däm är se drzue inspiriert, Lösige z fingä, di ä Ungerschied machä.
Silvan Pfahrer
CFO & Mitgründer
Silvans Liebi zu Design, Zahlä u Witblick tribt sini Arbeit a, um d Ziu vom Ungernähme u de Chundä mitemnä Oug uf d Zuekunft z erreichä.
Simon Stoll
CTO & Mitgründer
Simon liebt z Programmierä u d Bewäutigung vo technischä Herusforderigä, i däm er qualitativ hochwärtigi Lösigä liefert, di d Erwartigä überträffä.
Begleitet Sie üs uf üserä Reis
Üsi Reis het grad ersch agfangä, u mir freuä üs ufä Wäg wo vor üs ligt. Mir si besträbt, üs kontinuierläch z verbesserä u immer neui Wäg z fingä, um üsi Technologie intuitiver, sicherer u würkigsvoller z machä. Begleitet Sie üs uf derä Reis u lasst üs gmeinsam öppis Ussergewöhnlächs erschaffä. Entdeckä Sie üsi Produkt, abonnierä Sie üsä Newsletter oder nähmet Sie Kontakt mit üs uf – Fö mir a d Technologie für Si nutzbar z machä.
Blib ufem Loufendä
Mäldet Sie sich für üsä Newsletter a, um di neuestä Updates zu üsem Entwickligsfortschritt, neuä Funktionä u meh z erhautä.